Víctor Senra consigue a vitoria nun mollado Rali de Noia

Despois de manterse na loita e de estar en primeira posición durante boa parte do rally, Víctor Senra, con Ramón López no asiento da dereita, conseguían, hai uns minutos, a súa primeira vitoria da temporada co novo Citroën C3 R5.

O venres só había que disputar un percorrido curto, correspondente ao treito urbano de Noia chamado "El Jaime", onde Víctor se clasificaba en cuarta posición, sin arriscar. O sábado, no primeiro treito xa era líder ao producirse os abandonos de Iago Caamaño e Alberto Meira. Segundo era Antonio Rodríguez e terceiro, Alberto Otero. No segundo treito, Ricardo Costa pasaba da sexta posición da xeral á segunda, xusto detrás de Víctor Senra, aínda que a moita distancia.

Rali de Noia 2019-Pablo Ares

Un inesperado fallo de Víctor Senra no cuarto treito da mañá (quinto do rally), segunda pasada por "Senra Sport", provocaba que Ricardo se posicionase en primeiro posto. Mais pouco durou a alegría para o portugués, Víctor Senra non se podía conter e atacaba xa no primeiro da tarde, clasificándose en primeira posición e manténdose así ata o final do rally.

Rali de Noia 2019-Pablo Ares

Así que... vitoria de Víctor Senra-Ramón López, segunda posición para Ricardo Costa-Rui Vilaça e terceiro escalón do podio para os "novatos" Jorge Cagiao-Amelia Blanco. Estes últimos mantivéronse no Top 10 durante o rally e, beneficiados polos abandonos dos rivais, conseguiron subirse ao podio da clasificación xeral por primeira vez.

Seguinte cita do CGR, Rally Rías Baixas, esperamos vervos a todos alí!

*Unha última cousa, YouTube non nos deixa seguir facendo directos ata que non cheguemos a 1000 suscriptores, agradeceríamos que lle deses ao botón de "suscribirse" e nos axudes con este proxecto. SUSCRÍBETE

Moitas gracias!!