Iván Ares loitará polo título en Madrid
No Rally de La Nucía, a emoción estivo na etapa matinal, durante a que o piloto de Cambre se mantivo na pelea pola vitoria, pero primeiro un problema con un extintor do habitáculo e despois unha mala primeira sección vespertina, fixeron imposible o inquietar o primeiro posto do seu principal rival, que finalmente se adxudicaba a vitoria na casa.
Iván Ares analizaba o resultado da cita alicantina: “Non tivemos o fin de semana que esperabamos. Comezamos cun treito moi complicado, que tiña unha gran lonxitude para ser o TC+, e onde marcamos o segundo mellor tempo; tras iso atacamos no resto do bucle, o que nos serviu para achegarnos a menos de dous segundos do líder. Salimos á repetición dos tramos matutinos con moitas ganas, pero soltóusenos o extintor que levamos no Hyundai I20 R5, meténdose entre os meus pés e facendo baixar moito o ritmo.
Pola tarde sabiamos que ía a ser complicado aguantar a Miguel, porque tiñamos dous treitos moi complicados, onde el tiña moita experiencia por telos corrido en multitude de ocasións, e non fumos capaces de apretar como queriamos. Os cambios que fixemos nos reglaxes non funcionaron e perdemos un tempo que foi decisivo para decidir a carreira.
No último bucle mantivemos unha bonita loita con Dani Solá, que finalmente gañamos tras marcar o mellor tempo no último treito.
Agora hai que pensar en Madrid, onde tenremos que sair a por todas e agardar o fallo de Fuster. Sabemos que é moi complicado, porque os dous estamos facendo unha gran temporada, sendo moi regulares durante todo o ano, pero as carreras acábanse ao chegar ao parque pechado, así que manteremos a ilusión ata o final.
Por outro lado, Hyundai proclamouse como vencedora no apartado de marcas, o que nos alegra pola gran axuda que nos brindaron durante estas dúas temporadas, onde demostramos moitas virtudes do Hyundai I20 R5.”
-Nota de Prensa: Iván Ares
