Meeke líder despois da primeira etapa do Rally de México

Como dicíamos hai pouco máis dunha semana na previa deste Rally de México 2017, Kris Meeke é capaz do mellor e do peor. Neste caso a moeda saíu cara e o norirlandés é o novo líder do rally, con 20.9 segundos de vantaxe sobre Sébastien Ogier. 

Foto : motorsport.com

O primeiro bucle de superespeciais desta xornada tivo que ser suspendido. Un accidente bloqueou a estrada que comunica Cidade de México (onde se realizou a primeira especial) e Guanajuato. Os camións que transportaban os coches quedaron 5 horas parados, polo que foi imposible realizar os primeiros tramos. Isto, na nosa opinión, débese a un grave erro da organización, xa que obrigar a equipos e coches a desprazarse 400km para facer unha especial de 2km non ten sentido e pode dar lugar a situacións como esta. 

O actual líder do campionato, Latvala, comezou con bastantes problemas. O motor do seu Toyota tivo problemas de sobrequentamento, polo que acutalmente está en octava posición a 2 minutos e medio de Meeke. Paddon tamén mostrou o seu descontento co motor do Hyundai, pero o máis perxudicado polos aspectos macánicos onte foi Dani Sordo. O cántabro estaba loitando polo podio e agora está decimoquinto a máis de 10 minutos do líder.

Recordade que na xornada de hoxe redbull.tv retransmitirá ás 17:50 un tramo en directo. Mañá ás 19:00 retranmitirán a power stage en movistar deportes 1.

Así queda a xeral despois dos tramos do venres:

1.		K. MEEKE	P. NAGLE					dIF.ANTERIOR	DIF.PRIMEIRO
2.		S. OGIER	J. INGRASSIA					+20.9	+20.9
3.		T. NEUVILLE	N. GILSOUL					+35.8	+56.7
4.		J. HÄNNINEN	K. LINDSTRÖM					+30.6	+1:27.3
5.		O. TANAK	M. JARVEOJA					+5.6	+1:32.9
6.		S. LEFEBVRE	G. MOREAU					+19.9	+1:52.8
7.		H. PADDON	J. KENARD					+9.3	+2:02.1
8.		J. LATVALA	M. ANTTILA					+28.7	+2:30.8
9.		P. TIDEMAND	J. ANDERSSON					+53.5	+3:24.3
10.		E. CAMILLI	B. VEILLAS					+35.4	+3:59.7