Victor Senra gaña un dificil Rally da Coruña

O piloto coruñés Víctor Senra, copilotado por David Vázquez, gaña o Rally da Coruña 2017 os mandos do seu Ford Fiesta R5 despois dunha entretida disputa contra Iago Caamaño.

Desde o primeiro tramo da maña, os dous pilotos (ambos con Ford Fiesta R5) comezaron unha loita que se iría alongando durante todo o rally pero que finalmente recaia en mans de Senra. O terceiro lugar era para  Iván Ares que despois dunha loita propia entre el e o seu vehículo quitaríalle o posto o actual campeon galego, Alberto Meira que se clasificou en cuarto lugar.

Marcos Miguez/La Voz de Galicia

Nas distintas copas, tamén houbo unha interesante loita entre pilotos inda que tamén moitos abandonos importantes.

Na copa Top Ten Pirelli, Alberto López faríase co primeiro posto a bordo do seu Evo X logo de que o máximo favorito a optar pola vitoria, Felix Macías, abandonase por averias mecánicas cando iba primeiro da copa. O segundo lugar ocupouno José M.Lista a bordo dun Evo IX e o terceiro iría a parar a mans de David Grandal no seu estreo co Clio R3.

A Volante FGA foi para a mans de Alvaro Pérez co Citroen C2 logo de que Daniel Berdomas abandonase o rally por averias cando ocupaba a primeira posición. O segundo lugar ocupouno Iago Gabeiras cun Citroen Saxo e o terceiro lugar ocupouno David Rivas cun Peugeot 206 xs.

Por ultimo, na copa AMF Pirelli, como se esperaba, Heriberto Atan levaba a vitoria a mans do C2 Gt. Segundo quedaria José F.Morais cun Clio Williams e o terceiro lugar ocuparíao Miguel Iglesias cun Saxo VTS.

Terminado a 21ª edición do Rally da Coruña, a próxima parada do Campionato Galego de Rallyes será o Rally Cocido de Lalín o dia 4 de marzo. Prevese unha lista de inscritos moi boa logo de que Luís Vilariño afirmase que comezara a temporada nese rally ademais de que Javier R.Grille confirmara que intentará estar na saída do rally. Mentres tanto podedes seguir as novas na nosa páxina no apartado de Galicia.