Javier Ramilo fíxose coa vitoria esta fin de semana na primeira edición do RallyMix de Pontedeume, terceira proba do CGRM (Campionato Galego de RallyMix). Javier conseguiu gañar a proba cunha vantaxe de máis de 27 segundos na xeral con respecto ao segundo clasificado, Abel Jurado; e con algo máis de 37 segundos sobre o terceiro clasificado, Abraham Duarte, quen estrenaba novo KartCross.
Bruno Penas Fotografía
Nos primeiros treitos do sábado era Abel Jurado quen marcaba o mellor tempo, pero xa no terceiro e último treito do día, Javier Ramilo colocábase en primeira posición da xeral por menos dun segundo, exactamente foron 0.265 segundos a cantidade que separaba aos dous primeiros.Terceiro era Alejandro Pena a 18 segundos de cabeza e que era perseguido por Abraham Duarte a 0.367 segundos. Con estes tempos a competición quedaba moi emocionante para o domingo na categoría de KartCross.
Bruno Penas Fotografía
O domingo, na cuarta pasada da proba Javier Ramilo comezaba a distanciarse quitándolle casi un segundo e medio a Abel Jurado, cunha vantaxe de casi dous segundos na xeral. Neste treito Abraham Duarte adiantaba a Alejandro Pena quitándolle agora casi catro segundos na xeral, pero aínda así estaba lonxe de Abel Jurado. E por último, na derradeira manga da proba coruñesa mantíñase líder Javier Ramilo e conseguía a vitoria da proba. Abel Jurado disputaba tranquilo esta última manga, sen arriscar, deixándose 10 segundos e clasificándose en segunda posición. Por detrás de Abel, Abraham, que logrou posicionarse terceiro co novo vehículo.
