Acábase de celebrar o rallye Ribeira-Sacra e aínda seguimos con dudas a falta de semanas contadas para a celebración do Rallye San Froilán. Hai dudas con respecto á celebración do Rallye Ría de Vigo e o Rallye Comarca da Ulloa e repítese a historia da pasada temporada, onde se anunciou a vitoria do CGR por parte de Alberto Meira mediante un comunicado da FGA e non sabendo o mesmo día do rally se Alberto tiña a vitoria ou se, pola contra, tería que seguir loitando unha carreira máis.
![](https://blogger.googleusercontent.com/img/b/R29vZ2xl/AVvXsEiSz5UQ044amDlA_ij-kfRQO_zq96yPnjzuk8XmnssdLIBTTVQuIpgu2YgHLwYdsFtsro3oXIZSx0N4LEutdjazIk-eKeK1r9X2dfoip13nv-MrxOtP1Fv8zO27SVZW5eDLEmGKqU4qUAj_/s640/FB_IMG_15065825470758011.jpg) |
Marcos Parada |
Nesta temporada 2017 é Víctor Senra quen lidera o CGR, comezou o ano moi ben, gañando as suficientes probas como para decidir que non participaría no rallye Sur do Condado. Aínda que neste pasado rallye Ribeira-Sacra as cousas puxéronselle difíciles cun pinchazo, problemas de dirección e loitando contra un Alberto Meira imbatible ata que sufriu rotura de palier, así se colocaba Iago Caamaño en segunda posición por detrás de Hiroki Arai. A pesares de que é Senra quen vai líder do campionato, Meira e Caamaño veñen “pisándolle os talóns”.
![](https://blogger.googleusercontent.com/img/b/R29vZ2xl/AVvXsEjBhyphenhyphentE65edxDIxNFgqiDSgG6xizDo4yssGGy5FnT9w04-TRCb3ugS0psh-_0cyf8M3vPqsJ9vg1B80BzEZ11wtvll_qChfKTQW1en-1Sb_HoHDntPwha6TBAT5cMkIC_oAWfEnNjjX74Ht/s640/FB_IMG_15065837137320263.jpg) |
L. Rivera |
En calquera caso, os pilotos deben dar o máximo no rallye San Froilán para tratar de rematalo na primeira posición do campionato por se se decide publicar un comunicado, despois da celebración deste, onde se comunique a cancelación dos rallyes restantes ou onde se afirme a celebración deles. Estaría ben saber quen é o gañador do campionato ao remate do derradeiro (e non último) tramo da temporada.