Vitoria de Iván Ares no Rali do Cocido

Despois dun rally bastante movido e complicado, a vitoria foi parar a mans de Iván Ares e José Pintor, perseguidos constantemente por Miguel Fuster e Iago Caamaño.

Nerea Sánchez

Miguel Fuster conseguía a primeira posición no shakedown (ou treito de clasificación) e escollía sair aos treitos en segunda posición. Iván Ares, coa segunda posición do Shakedown decidía sair en primeira posición. Ao TC1 (treito urbán de Lalín) saían en orde inverso, polo que Iván sairía en última posición, detrás de Miguel, e conseguiu o scratch.

Xa o sábado pola mañá, con Iván Ares de líder saían aos treitos da mañá onde marcaron scratch tres R5, Iván Ares (3), Iago Caamaño (2) e Miguel Fuster (1). Dende o TC2 ata o TC7 houbo moito movemento na clasificación xeral, libradas, saídas de pista, sustos... Coas estradas tan molladas era difícil controlar os vehículos e cunha saída de pista de pista de Iván Ares a clasificación chegou a estar completamente ao revés, con Fuster líder e con Ares en terceira posición, segundo posicionábase Caamaño. No TC+ marcaba o scratch Iván Ares, por diante de Fuster e de Caamaño, que se mantiñan na loita a moi poucos segundos. Ao terminar os treitos da mañá e facer a pausa do mediodía a clasificación xeral esta con Iván Ares á cabeza por diante de Iago Caamaño e Fuster(algo máis descolgado).

Nerea Sánchez

Pola tarde, a partir do TC8, o piloto do Hyundai R5 comezaba a marcar diferencia con Iago Caamaño e con Miguel Fuster, comezaba a chover de novo, creando máis barro e estradas resbaladizas.
No TC11 producíase o abandono de Iago Caamaño cando rodaba segundo da xeral, cedendo a súa posición a Miguel Fuster que se achegaba a Iván Ares pouco a pouco. O abandono de Iago debeuse a un golpe no radiador provocado por unha desafortunada saída de pista. Neste TC11 tamén se producía un pinchazo no Clio N5 de Adrián Díaz e un posible golpe de Javier Pardo co que perdía casi tres minutos.

Iván Ares presentábase no treito de Lalín como líder e así conseguía a vitoria. Ares conseguiu tres scratch's e Miguel Ángel Fuster outros tantos. Unha cita incríble, cunha bonita loita e cunhas estradas incríbles.

-Clasificación final

Publicacións populares